მე რა ვქნა მეე..

და აი კიდევ ერთხელ დაიძაბა ვითარება ქართულ ფეხბურთში. ფედერაციის არჩევენების დღეს, პესიმისზმის განცდა მქონდა და დავწერე, რომ იგივე, არაფრის მომცემ, წრეზე მივდიოდით, მიუხედავად იმისა, რომ კობიაშვილის „სისუფთავის“ მჯეროდა. არ აქვს მნიშვნელობა ვინ არის ამ სიტუაციაში დამნაშავე, სავარაუდოდ სამივეს აქვს თავისი სიმართლე, ფედერაციასაც, სპორტის სამინისტროსაც და ცხადაძესაც.

 

 

- ცხადაძე ამბობს, რომ მას მშვიდად უნდა მუშაობა, სურს რომ კონცენტრირებული იყოს თავის საქმეზე, და მაგალითად ბანკის ვალდებულებებზე არ იფიქროს. ჩვენ თუ გვინდა მწვრთნელი, რომელიც წარმატებას მოგვიტანს, ცხადაძისათვის გადახდილი ხელფასი ალბათ მინიმალურია. ყველას მოგეხსენებათ, ფეხბურთში რამხელა ფული ტრიალებს, კარგი მწვრთნელი კი უმუშევარი არ დარჩება და მაღალ ანაზღაურებად სამსახურს იშოვნის. მაგრამ ცხადაძის შეცდომა ის არის, არასაფეხბურთო ადამიანებად რომ მოიხსენიებს მათ ვისაც ფეხბურთი არ უთამაშიათ და ფეხბურთში ჩაურევლობისაკენ მოუწოდებს. ადამიანს რომელმაც მანქანების გაყიდვით ნულიდან დაიწყო, წარმატებული კომპანია შექმნა და შემდეგ ფეხბურთში ძალიან სერიოზული ინვესტიციები განახორციელა, ცუდად მოიხსენიებს და ის, რაც წესით დადებით კონტექსტში უნდა აღინიშნოს ტარიელ ხეჩიკაშვილთან დაკავშირებით, პირიქით, უარყოფით კონტექსტში წარმოაჩენს. მე ვფიქრობ რომ ეს არასწორი საქციელია. რატომ უნდა გადაწყვიტონ მხოლოდ ფეხბურთ-ნათამაშებმა ხალხმა, ქართველი ხალხის გადასახადები როგორ გადანაწილდეს, მსუბუქად რომ ვთქვათ გაუგებარია.

 

- სპორტის სამინისტრო ამბობს, რომ ჩვენ არ გვიღირს ხელფასებში ამხელა ფულის გადახდა, და გვირჩევნია ეს თანხები თუნდაც ინფრასტრუქტურის განვითარებას ან ბავშვთა ფეხბურთს მოვახმაროთო, რაც საფუძველს მოკლებული ნამდვილად არ არის.

 

- ფეხბურთის ფედერაციის პოზიციას რაც შეეხება, ისინი ახალი გუნდით მოვიდნენ და რა გასაკვირია, რომ ეროვნული ნაკრების მწვრთნელადაც ისეთი ადამიანი უნდათ, ვინც თვითონ სურთ იხილონ ამ პოზიციაზე. მითუმეტეს მაშინ, როდესაც ძველი მწვრთნელი მათ პოლიტიკას არ ეთანხმება, ანაზღაურების ახალი პრინციპის დამკვიდრებასთან დაკავშირებით.

 

მაგრამ, ჩემი აზრით, აქ ყველაზე საინტერესო „საფეხბურთო თემის“ დუმილია. ყველა გაყუჩებულია და ელოდება მოვლენების განვითარებას, ხმას არავინ იღებს, ვაიდა ხვალ სიტუაცია არ შემოტრიალდეს მათი პოზიციის საწინააღმდეგოდ და არასწორ მხარეს არ აღმოჩნდენ. არადა პატარა ამბავი ხომ არ არის, ეროვნული ნაკრების მწვრთნელი ამბობს, სპორტის მინისტრი ცდილობს ჩემს ჩანაცვლებასო. მაგრამ ჩვენს ვეტერანებს და "საფეხბურთო მოღვაწეებს" მხოლოდ მაშინ უნდათ გამოჩენა, როდესაც "კარგი პონტია" და ძალიან გაგინაწყენდებიან ამ "კაი პონტს" თუ გმოატოვებინებთ.

 

მიუხედავად იმისა, რომ ამ ადამიანის მხარდამჭერი არასდროს ვყოფილვარ, რამდენ სწორ რამეს ამბობდა თემურ ქეცბაია, რომელიც ყოველთვის პირდაპირი იყო და არასდროს არ ერიდებოდა თავისი პოზიციის დაფიქსირებას.